Untold stories

 O Departamento de Artes Plásticas organizou, en colaboración co grupo de investigación Arte-Facto, dirixido polo profesor da UDC doutor José María Mesías Lema, un PROXECTO ARTÍSTICO a través da exposición fotográfica Peter Lindbergh, Untold Stories.

Neste obradoiro participou o alumnado de 1ºBach de Debuxo Técnico e Debuxo artístico e 4ª ESO Ed Plástica Visual e Audiovisual.

Logo da presentación do proxecto nas aulas, polas profesora Eva Vérez e Lucía Sesto, o artista plástico, Marco Moreira fixo a proposta do obradoiro A mecánica do debuxo cunha presentación na aula Picasso do noso centro. Pensamos no debuxo como un acto vivido e experimentado que crea unha actividade poética interactiva. Para suscitar esta reflexión, convídamos ao alumnado a crear grupos de traballo crear, planificar e desenvolver un mecanismo de debuxo interactivo.

Por último, visitamos a exposición. A proposta xirou arredor da idea desas historias non contadas que cada alumno interpreta subxectivamente a partir das fotografías de Peter Lindbergh . O alumnado fixo un percorrido guiado pola exposición e presentou os seus mecanismos de debuxo.